Connect with us

SOCIAL

१९ वर्षीया युवती बलात्कृत : दुई दिनपछि युवा पक्राउ

Avatar

Published

on

भक्तपुर । भक्तपुर प्रहरीले १९ वर्षीया युवतीलाई जबरजस्ती करणी गरी फरार एक युवालाई दुईदिनपछि पक्राउ गरेको छ ।
महानगरीय प्रहरी परिसर भक्तपुरका अनुसार भक्तपुर नगरपालिका १० कमलविनायक निवासी वर्ष ३१ को विकास तजलेलाई जबरजस्ती करणी गरेको अभियोगमा पक्राउ गरिएको हो ।
परिसरका प्रवक्ता प्रहरी नायब उपरीक्षक दीपक गिरीले माघ १४ गते सर्लाही स्थायी घर भई हाल भक्तपुर नपा १० कमलविनायकमा डेरा कोठा लिई अध्ययनरत १९ वर्षीया युवतीले आफूमाथि जबरजस्ती करणी गरेको भनी दिएको किटानी जाहेरीको आधारमा तजलेलाई पक्राउ गरिएको बताए ।
ती युवतीले सामान्य चिनजान भएका तजलेले आफू डेरा कोठामा एक्लै भएको मौका पारी डरत्रास र धाकधम्की दिई बोल्न कराउन नदिई जबरजस्ती करणी गरेको भनी किटानी जाहेरी दिएकी थिइन् ।
किटानी जाहेरीमा युवतीले सामान्य चिनजानकै भरमा तजले आफ्नो कोठामा एक्कासी प्रवेश गरी कोठाको चुकुल लगाई डरत्रास र धाकधम्की देखाएर बोल्न र कराउनसमेत नदिएर जबरजस्ती करणी गरेको उल्लेख गरेकी छन् ।
उनले महानगरीय प्रहरी वृत्त जगातीमा दिएको किटानी जाहेरी दरखास्तकै आधारमा तजलेलाई माघ १६ गते भक्तपुरबाटै पक्राउ गरिएको प्रहरीले जनाएको छ । १६ गते शुक्रबार पक्राउ परेका तजलेलाई आइतबार जिल्ला अदालत भक्तपुरमा पेश गरी अनुसन्धानको लागि म्याद थप गरिएको भक्तपुर प्रहरीले बताएको छ ।
प्रहरी नायब उपरीक्षक गिरीले घटनाबारे थप अनुसन्धान अघि बढाइएको जानकारी दिए ।

Copyright © 2018 www.indepth.com.np. सर्वाधिकार सुरक्षित | E-mail: eindepth@gmail.com | Contact : 9841273000 | Regd. No. : 143065-072/073

Design & Hosted By SITEMANDU

Powered By GO BHAKTAPUR.COM & LINK BHAKTAPUR.COM

error: Content is protected !!