Connect with us

POLITICS

बिस्का जात्रा रोक्ने निर्णयविरुद्ध सर्वोच्चको अन्तरिम आदेश

Avatar

Published

on

फाइल फोटो

काठमाडौं । सर्वोच्च अदालतले भक्तपुरको बिस्का जात्रा रोक्ने निर्णयविरुद्ध बुधबार अन्तरिम आदेश दिएको छ ।
भक्तपुरको प्रसिद्ध बिस्का जात्रा रोक्ने निर्णय बदर गरी पाउन माग गर्दै भक्तपुर नगरपालिका ५ निवासी ४३ वर्षीय अधिवक्ता राजकुमार सुवालले मंगलबार सर्वोच्च अदालतमा रिट निवेदन दायर गरेका थिए ।
उक्त रिट निवेदनको बुधबार सुनुवाइ गर्दै सर्वोच्चका न्यायाधीश पुरुषोत्तम भण्डारीको एकल इजलासले बिस्का जात्रा रोक्ने कारण देखाउ आदेश जारी गरेको हो ।
अधिवक्ता सुवालले रिटमा नेपालको संविधानको धारा १३३ (२) र (३) बमोजिम उत्प्रेषण, परमादेश र अन्य आवश्यक आदेश जारी गर्न माग गरेका थिए । उनले बिस्का जात्रा रोक्ने निर्णय गर्ने जिल्लास्तरीय कोभिड १९ संकट व्यवस्थापन सञ्चालन केन्द्र (डीसीसीएमसी), केन्द्रका प्रमुख प्रमुख जिल्ला अधिकारी प्रेमप्रसाद भट्टराई र नेपाल सरकार प्रधानमन्त्री तथा मन्त्रिपरिषद्को कार्यालय, जिल्ला प्रशासन कार्यालय भक्तपुर र गुठी संस्थान कार्यालय भक्तपुरलाई विपक्षी बनाएका छन् ।
रिट निवेदनमा नेपालमा लकडाउन आदेश जारी नगरिएको तथा कोभिड १९ को संक्रमण नियन्त्रित अवस्थामै रहेकाले एकतर्फी रुपमा बिस्का जात्रामात्रै रोक्नुपर्ने कुनै कारण नभएको उल्लेख गरिएको छ ।
त्यस्तै भक्तपुरको बिस्का जात्रा यहीं चैत २८ गतेबाट सुरु हुने भएकाले त्यसपछि आउने निर्णय निरर्थक हुने भन्दै रिट निवेदनमा सर्वोच्च अदालत नियमावली २०७४ को नियम ४९ (१), (२) र (३) बमोजिम निर्णय कार्यान्वयन कार्य रोकी यथास्थितिमा राख्नु राख्न लगाउनु भनी विपक्षीहरुको नाउँमा अन्तरिम आदेश जारी गर्न माग गरिएको छ ।

Copyright © 2018 www.indepth.com.np. सर्वाधिकार सुरक्षित | E-mail: eindepth@gmail.com | Contact : 9841273000 | Regd. No. : 143065-072/073

Design & Hosted By SITEMANDU

Powered By GO BHAKTAPUR.COM & LINK BHAKTAPUR.COM

error: Content is protected !!